ШҚО-да 2015 жылы жылу және сумен қамту жүйелерін жаңартуға 9,5 млрд теңгенің 20 жобасы бағытталады

Облыс әкімдігі хабарлағандай, республиканың теңдей энергиямен қамтылуы үшін құны 45,5 млрд.теңгеге жоғары вольтты 500 кв-ты ұзындығы 705 км «Екібастұз-Семей-Өскемен» желісінің құрылысы жобасын іске асыру жұмыстары басталды.

Бұдан басқа электр энергиясын өндіруді ұлғайту қуаттылығы 25 МВт Тұрғұсын СЭС-ның құрылысы және Өскемен ЖЭС-да қуаттылығы 120 МВт  № 12 турбогенераторын орнату жұмыстары жүргізілуде.

Ұлттық қордан жылу, және сумен қамту жүйелерін жаңартуға бағытталатын қаражаттан қаржыландыру үшін  ағымдағы жылы облыста 9,5 млрд.теңгеге 20 жоба мәлімделді, оның ішінде  алдын ала жылумен қамту бойынша 3,4 млрд.теңгеге 14 жоба мақұлданды. Нәтижесінде жылумен қамту бойынша 14,8 км жылу желісі салынады және қайта жаңартылады, 155 көппәтерлі үйдің жылумен қамту желісі жақсартылады. Жыл сайынғы экономикалық тиімділік 44 млн.теңге құрайды.

Сондай-ақ Семей қаласының ЖЭО-1, РК-1 жылу көздері жалпы сомасы 3 млрд.теңгеге қайта жаңартылуы жалғастырылады.

«Ақ бұлақ» бағдарламасы бойынша  2,4 млрд.теңгеге 5 жобаны іске асыру жоспарланған. Глубокое және Катонқарағай аудандарында 3 объект беріледі, бұл 11 мың адамның өмір сүру сапасын жақсартады.