• Басты
  • Қазақстанда әр этностың мәдениеті мен дәстүрін сақтауға барлық жағдай жасалған

Қазақстанда әр этностың мәдениеті мен дәстүрін сақтауға барлық жағдай жасалған

23 Ақпан, 2015 16:08
Қазақстан Республикасында әр этностың мәдениеті мен дәстүрін сақтауға барлық жағдай жасалған. Бұл туралы Strategy2050.kz АА берген эксклюзивті сұхбатында Астана қаласы Өзбек этномәдени орталығының төрағасы Шерзод Пулатов хабарлады.

«Қазақстанда әр этностың мәдениеті мен дәстүрін сақтап қалуға барлық жағдай жасалған. Әр қалада этномәдени бірлестіктер, орталықтар, өкілдіктер ашылған. Онда олар ұлттық биін, тілін, асханасын меңгереді», - деп мәлімдеді ол.

Сонымен қатар, Ш. Пулатов атап өткендей, ірі қалаларда белгілі бір этнос тілінде білім беретін мектептер де бар.

«Қазақстанда корей, ұйғыр тіліндегі театрлар бар, яғни мемлекетімізде мәдениет, дәстүр, әдет ғұрыпты толығымен сақтап қалуға жағдай жасалған», - деп атап өтті өзбек этномәдени орталығының төрағасы.

Ш. Пулатовтың айтуынша, мұның барлығы Қазақстанда тұратын түрлі ұлт өкілдерінің өскелең ұрпаққа  төл ұлттық мәдениетін беруі үшін жасалған.

Индира Кауметова

Барлық жаңалықтар