ТШО-ның келешектегі кеңею жобаларын қаржыландыру шешімі 2015 жылдың соңына дейін қабылданады

«Қазіргі таңда ТШО Ұңғыма ернеуіндегі қысымды басқару (ҰЕҚБЖ) және Келешек кеңею жобалары (ККЖ) шеңберінде өндірісті бұдан әрі дамытуды жоспарлап отыр.  ҰЕҚБЖ шеңберінде ұңғыма өнімдерін жинақтаудың жаңа жүйесін, қысымы жоғары нысандарды, инфрақұрылымдық және қосалқы нысандарды салу жоспарланып отыр», - деді В.Школьник.

«ККЖ шеңберінде Теңіз кен орнында қуаттылығы жылына 12 млн. тоннаны құрайтын мұнай өңдейтін жаңа зауыт және қуаттылығы жылына 9,4 млрд. м/куб. болатын шикі газды кері айдайтын нысандарды салу жоспарланып отыр. Жобаның іске асуы ТШО-ның жылдық мұнай өндіру көлемін 26,5 млн.тоннадан 38,6 млн. тоннаға арттырады», - деді ол.

Жоғарыда аталған  жоспарлар шеңберінде 20 мың жұмыс орнын ашу, кадрларды даярлау және оқыту шаралары қарастырылған.

«Жобалаудың эскизді қорытындысы бойынша ТШО серіктестіктерге жобаның жүзеге асыратын  сметасы мен кестесін ұсынды. 2014 жылдың қарашасында жаңарған ақпарат бойынша жобаның құны 38 млрд доллар болмақ», - деді министр.

Камила Амирова