Индустрияландыру картасының алғашқы бесжылдығында 31 млрд. теңгеге 32 жоба жүзеге асырылды

Облыс әкімдігі хабарлағандай, облыстың өнеркәсiптiк әлеуетi артуда. 2014 жылдың қорытындысы бойынша өнеркәсiп саласында ЖӨӨ-нiң үлесi 11%-ға дейiн өстi.

Осылайша, Индустрияландыру картасының алғашқы бесжылдығында 31 млрд. теңгеге 32 жоба жүзеге асырылды, 1000 жұмыс орны ашылды, соның iшiнде 2014 жылы — 4,6 млрд теңгеге 4 жоба жүзеге асырылды.

Шағын және орта бизнесте жұмыспен қамтылғандар саны 112 мың адам — бұл облыстың экономикалық белсендi халқының үштен бiр бөлiгi. 2014 жылы Бизнестiң жол картасы бойынша жобалардың саны 1,8 есеге өстi және қаржыландырылған несиелер сомасы 4,4 млрд. теңгенi құрады. Жалпы өңiрлiк өнiм бойынша ШОБ субъектiлерiнiң үлесi 25,6%, ал орта республикалық көрсеткiш 17,3%-ды құрайды.