Қазақстан 2017 жылға қарай толығымен отандық жанармай және дизельді отынмен қамтамасыз етіледі - Школьник

«Елімізде барлық отандық  мұнай өңдеу зауыттарын жаңғыртудан өткізгеннен кейін мұнай өңдеу көлемін  29,4%-ға,  14,5 млн  тоннадан 18 млн тоннаға дейін жылына арттыру көзделуде. Сонымен қатар, мұнай өңдеу тереңдігі де артады 83%-90%-ға дейін, осы ретте сұранысы жоғары Аи-92 маркалы жанармай қазіргі 12,0%-дан 21%-ға дейін көбейеді, ал, Аи-95 пен Аи-98 бензидері бойынша  өсім 0,7%-дан 10%-ға дейін құрайды»,- деді В.Школьник.

Осылайша министр атап өткендей, 2016 жылдан кейін Қазақстан толығымен отандық жанармай және дизельді отынмен қамтамасыз етіледі.

Аталып өткендей, бүгінде Атырау, Шымкент, Павлодар МӨЗ күрделі жөндеуден өткізу және жаңғырту жұмыстары жалғасуда.

«Атырау МӨЗ жобасы бойынша жұмыстар соңына таяп қалды, дайындық 94,4% көрсетіп отыр»,- деді Школьник.

Жалпы құны 1 млрд 829 млн доллар болатын Шымкент МӨЗ күрделі жөндеуден өткізу және жаңғырту жұмыстары жалғасуда. Бүгінде инвестицияның 5% салынды, 2,5 мыңнан астам адам жұмысқа тартылған. Ал, Павлодар МӨЗ жобасының құны 1 млрд 218 млн доллар, оны пайдалануға беру 2016 жылдың соңына жоспарланған.

Камила Амирова