«Ер Төстік пен айдаһар» анимациялық фильмі Оңтүстік Кореядағы халықаралық кинофестивальде көрсетіледі

«Режиссер Жәкен Дәненов пен Рүстем Тұрағлиевтің «Ер Төстік пен айдаһар 3D» анимациялық фильмі 18-інші Пусан халықаралық кинофестивалі шеңберінде «Анимациялық кино көрудің кең бұрышы» бағдарламасында көрсетілмек», - деп жазылған хабарламада.

Пусан халықаралық кинофестивалінде «Ер Төстік пен айдаһар 3D» фильмінен басқа Ш.Айманов атындағы «Қазақфильм» АҚ-ның үш туындысы көрсетілмек. «Азия киносының терезесі» секциясына режссер-дебютант Ербол Жұмағұловтың «Кітап» фильмінің әлемдік премьерасы мен Әмір Байғазиннің түрлі кинофестивальдер бірнеше рет халықаралық марапаттарға ие болған «Үндестік сабағы» дебюттік картинасы көрсетіледі. Сонымен қатар, «Арнайы бағдарламалар: Орталық Азияның белгісіз киносы» секциясында Халықбек Салықовтың «Балкон» фильмі көрсетілмек.

Естеріңізге сала кетейік, 2013 жылдың 21 қазанында жалпыхалықтық прокатқа шыққан «Ер Төстік пен айдаһар 3D» анимациялық фильмі кеңінен танымал болып, бірінші аптаның өзінде 31,3 млн теңге табыс тапты.