2014 жылы Павлодар облысында 201 мың шаршы метр тұрғын үй пайдалануға берілді
23 Ақпан, 2015 11:34
Өңірде өткен жылы 165,1 мың шаршы метр тұрғын үйді пайдалануға беру жоспарланған еді. Алайда жоспар 2013 жылмен салыстырғанда 24,5 пайызға артық орындалып, 201 мың шаршы метр баспана тапсырылды.
Облыс әкімдігінің хабарлауынша, тұрғын үй құрылысы саласында 2 ірі жоба, атап айтқанда, «Сарыарқа» тұрғын үй кешені мен «Достық» тұрғын үй құрылысы ауданы жүзеге асырылуда.
Таратылған ақпаратқа қарағанда, бұған қоса «Нұрлы жол» бағдарламасы аясында ұзындығы 7,2 шақырымды құрайтын Ақсу қаласының жылу желісін, 1,8 млрд. теңгеге Екібастұз қаласының 4 орталық жылу бекетін жаңғырту сынды 3 жобаны жүзеге асыру жоспарланған.
«Екібастұз-Майқайың» су бұру сорғыш стансасының құрылысы аяқталды. Бұл ауыл халқының орталықтандырылған сумен жабдықтау жүйесіне қолжетімділігін 10 мың адамға дейін арттырды.
