СҚО-да жалпы өңірлік өнім 3 пайызға өсті

2014 жылы Солтүстiк Қазақстан облысында барлық макроэкономикалық көрсеткiштердiң өсуi қамтамасыз етiлдi. Жалпы өңiрлiк өнiм шамамен 3,%-ға өстi.

«Өнеркәсiп өндiрiсiнiң көлемi 3,5%-ға өстi. Ауыл шаруашылығы саласында өндiрiстiң өсуi байқалды. Облыс аграрийлерi 283 млрд. теңгенiң өнiмiн шығарды. Облыс экономикасына инвестиция тарту жұмысы белсендi жүргiзiлдi. Олардың көлемi 8,7%-ға өсiп, 115 млрд. теңгенi құрады», — дедi Ерiк Сұлтанов.

Ауыл шаруашылығы саласында мемлекеттен қуатты қолдау жасалып жатыр. Тек өткен жылы жергiлiктi аграрийлер 16,5 млрд. теңге көлемiнде қаржыға ие болды, бұл 2013 жылмен салыстырғанда екi есе артық. Осының нәтижесiнде ауыл шаруашылығы өндiрiсi 2,6%-ға өстi.

Бұл республика бойынша үшiншi және астық өндiретiн өңiрлер арасында бiрiншi нәтиже болып табылады.