ИИДМБ: ОҚО-да Индустрияландыру картасы аясында 11 мың жұмыс орны ашылды
23 Ақпан, 2015 10:34
Бүгінге дейін 137 жоба іске қосылып, 11 мыңнан астам жұмыс орны ашылған, деді ОҚО әкімі Алмас Мырзахметов халық алдында берген кездесуінде.
Бұл республикадағы жоғары көрсеткіш. Индустрияландыру картасы аясындағы 223 жобаның 65 пайызы ауылдық жерлерде жүзеге асуда. Бүгінге дейін 137 жоба іске қосылып, 11 мыңнан астам жұмыс орны ашылған.
«Үдемелі индустриалды-инновациялық даму бағдарламасының алғашқы бесжылдығында оңтүстікте бұрын соңды болмаған жаңа технологиялық және фармацевтикалық бұйымдардың өндірісі қолға алынған. «Оңтүстік» индустриалды аймағындағы» 38 кәсіпорында 2800 жұмыс орны ашылып, 18 млрд. теңге инвестиция тартылған. Мұнда 33 жобаның құрылысы басталған. Жалпы аймақта 76,8 млрд. теңге игеріліп, 6699 жұмыс орны бар 71 жоба жүзеге асырылмақ», - деді аймақ басшысы.
