Жамбыл облысында бөлімшелерді жауынгерлік үйлестірудің бірінші кезеңі өтті
Қорғаныс министрлігі хабарлағандай, жаңа оқу жылындағы бұл кезең бөлімшелерді жауынгерлік үйлестіруды пысықтау жүйесіндегі алғашқы қадам болып табылады. Жауынгерлік үйлестіру дегеніміз бөлімшелер арасындағы өзара іс-қимылды ұйымдастыру.
Оның мақсаты жүктелген функионалдық міндеттерді мүлтіксіз орындау үшін қажетті дағдыларды қалыптастыру болып табылады. Әскери қызметшілер Айша Бибі полигонында техниканы, қаруды жауынгерлік қолдануға дайындау, жергілікті жерді қарсылас көзінен бүркемелеу, далалық жағдайда медициналық көмек көрсету мәселелерін, инженерлік жабдықтау әдіс-тәсілдерін зерделеді.
Далалық жағдайда оқытуды ұйымдастыру үшін түрлі тақырыптар бойынша оқу-жаттығу нүктелері жабдықталды Жауынгерлік атыстар басталар алдында 85395 әскери бөлімі жеке құрамымен батальон командирі майор Жаннұр Сатқыновтың жалпы жетекшілігімен инструкторлық-әдістемелік сабақ өткізілді. Ұрысты моральдық-психологиялық қамтамасыз ету мәселесіне жеке көңіл бөлінді.
Бұл тақырыптағы сабақты мотоатқыштар батальоны командирінің орынбасары капитан Бекболат Жандарбеков өткізді. Ол кез келген оқу-жаттығу мен далалық сабақтардағы табыс кепілі – әскери қызметшілердің жоғары жауынгерлік рухы екендігін атап өтті. Оны жоғары ұстау үшін әскери қызметшілер әскери істі жете меңгеріп, өздерінің даярлығы мен далалық дағдылатын жетілдіріп отыруы қажет.
