2015 жылы Ақтөбе облысында 12 мың жұмыс орны ашылады
Облыстың ішкі саясат басқармасы хабарлағандай, 2015 жылы 7 464 адамды жұмыспен қамту көзделген, оның 5664-і жұмыссыздар болса, 1800-і өзін-өзі жұмыспен қамтығандар.
Бұл туралы облыс орталығында өткен кеңейтілген отырыс кезінде облыс әкімінің орынбасары Сара Нұрқатова айтты.
Оның айтуынша, белгілі бір қиыншылықтарға қарамастан биылғы жылы аймақта 12 мың жаңа жұмыс орнын ашу жоспарланып отыр. Жоспарға сәйкес жаңа жұмыс орындарын ашу мемлекеттік бағдарламалар, аймақты дамытуға және шағын және орта бизнесті қолдауға бағытталған жобалардың аясында жүзеге асырылмақ.
«Бизнестің жол картасы -2020» бағдарламасына қатысушылардың қайтарған қаражаттарынан өзін-өзі жұмыспен қамтыған азаматтарға несие беру жалғаса береді. Сондай-ақ мүмкіндігі шектеулі азаматтар мен аз қамтылған отбасы мүшелерін жұмыспен қамту жұмыстары өз жалғасып жатыр.
