Қапшағайда кинологтар, жүргізушілер мен жарылыс ісінің мамандары даярлықтан өтті
Қорғаныс министрлігі хабарлағандай, жеке даярлық– әскери қызметшілерді алдарына қойылған міндетті өз бетінше және бөлімше құрамында орындауға дайындауды білдіреді. Осындай жаттығулар нақты әр маманның жеке ерекшеліктерін ескере отырып үйретуді талап етеді.
Жеке құрамды оқыту барысында инженерлік оқ-дәрілердің, техника мен мүліктің әрекет ету принциптерін және оларды қолдану әдістерін зерделеуге ерекше көңіл бөлінді. Бұл іс-шараның мақсаты – кинологтар, КрАЗ-255кп жүргізушілерін және жарылыс ісі мамандарын даярлау. Олар қойылған міндеттерді күрделі жағдайларда инженерлік қару-жарақты штаттық мақсаттарына сәйкес түрлі тәсілмен қолдана отырып орындады.
Жаттығулар барысында 2-ші инженерлік-саперлік батальоны инженерлік кедергілер взодының бөлімше командирі кіші сержант Болатбек Тұсынханұлы, 2-ші инженерлік-саперлік батальоны инженерлік-саперлік взводының жүргізушісі кіші сержант Берік Әділбаев пен 2-ші инженерлік-саперлік батальоны инженерлік кедергілер взводының саперы қатардағы жауынгер Кенжебек Ахановтар ерекше көзге түсті. Жеке даярлық сабақтары бір айға созылды.
Содан кейін әскери қызметшілер бөлімше құрамында үйлесімділікке қол жеткізу жөніндегі топтық даярлық жаттығуларына көшті. Олар енді бөлімшелер құрамындағы іс-қиылдарын пысықтайтын болады.
