• Басты
  • Астанада балалардың ғылыми-техникалық шығармашылығын дамыту мәселелері талқыланды

Астанада балалардың ғылыми-техникалық шығармашылығын дамыту мәселелері талқыланды

21 Ақпан, 2015 16:49
Астанада Қазақстан Республикасы Білім және ғылым министрлігінің Республикалық қосымша білім беру оқу-әдістемелік орталығы балалардың ғылыми-техникалық шығармашылығын дамыту бойынша отырыс өткізді.

ҚР БҒМ хабарлағандай, отырыстың мақсаты  Мемлекет басшысының тапсырмасын  орындау мақсатында әзірленген Балалар мен жастардың ғылыми-техникалық шығармашылығы жүйесін дамыту бойынша 2015-2018 жылдарға арналған жүйелі шаралар кешенін талқылау.

Отырысқа қатысушылар Қазақстан Республикасында  Балалар мен жастардың ғылыми-техникалық шығармашылығы жүйесін дамыту бойынша 2015-2018 жылдарға арналған жүйелі шаралар кешенін жүзеге асыру, балалардың бос уақытын қосымша біліммен ұйымдастыру, республикадағы балалар мен жастардың ғылыми-техникалық шығармашылығы саласында қолданыстағы заңнамаларды және т.б. жетілдіру бойынша келешектегі қарым-қатынас мәселелері талқыланатын болады.

Ғылыми-техникалық бағыт бойынша қосымша білім беру жүйесін дамытудың маңызды аспектілерін талқылау өзін-өзі жетілдіру және дамытуда бала құқығын қамтамасыз етуге, жастарды техникалық сауаттылыққа тәрбиелеуге, оның бейіналды дайындығын, әртүрлі қызығушылықтарын қанағаттандыруға, олардың сабақтан тыс іс-әрекетінің мотивациялық әлеуетін дамытуға бағытталған келешек басымдылықтарын анықтауға көмектеседі.

Барлық жаңалықтар