Астанада 200-ге жуық әскери қызметші шаңғы жарысына қатысты (Фото)

Қорғаныс министрлігі хабарлағандай, жеке шаңғы жарысына қатысушыларға 2,5 және 5 км аралықты бағындыру міндеті қойылды. Шаңғы спорты бойынша жарыс – ҚР Қарулы Күштерінде 2015 жылдың қаңтар айының соңында басталған әскери-қолданбалы ұлттық спорт және ойын түріндегі, жыл сайынғы 5-ші спартакиаданың бірі, аталған жарыс қазан айында аяқталады.

Осы уақыт аралығында жарысқа (тоғыз құмалақ, шаңғы спорты, гимнастикалық жаттығулар, кіші теннис, мини-футбол, табельді КА-1 және МП-1 қаруынан оқ ату, волейбол, жүзу, көпсайыс, жеңіл атлетика) спорттың 10 түрі бойынша  2 400 әскери қызметші қатысады.

Таңдалған әр спартакиадағы спорт тәртібі әскери қызметшілердің дене дайындығын, логикасы, ойлау қабілетінің дамуын, іс-әрекет жылдамдығын жақсартуға бағытталады, ал топ құрамында қатысу жеке құрамының ынтымағын арттыра түседі. 2,5 км аралығында шаңғы жарысының қорытындысы бойынша әйелдер арасында бірінші орынды капитан А.Қ. Қадырова, екінші орынға сержант  Д.А. Садырбаева, үшінші орынды капитан Е.М. Озбоева иеленді.

 Ерлер арасындағы 5 км аралығында жас шамасы бойынша бес түрлі санатта шаңғы жарысы өтті. Сайыста бірінші жүлделерге  подполковник Д.Е. Аханов, майор А.Р. Штерман, майор С.В. Прохоров, аға лейтенант Е.В.  Ерастов.,  О.Д. лейтенант Дулатов ие болды. Жалпы топтық есепте 14776 ә/б әскери қызметшілері үздік шықты, ҚР ҚК Құрлық әскерлері Бас қолбасшысы басқармасы екінші жүлдеге, Оқ-дәрілер бас басқармасы үшінші жүлдеге ие болды.