Қазақстанның Тұңғыш Президенті туралы фильм Ливан көрермендерінің назарына ұсынылды

ҚР Сыртқы істер министрлігі хабарлағандай, сұхбат барысында ливан көрермендеріне Қазақстан Республикасының Президенті Н.Ә. Назарбаевтың балалық және жастық шағы туралы баяндайтын «Балалық шағымның аспаны» атты қазақстандық көркем фильмі ұсынылды.

Дипломат фильм Қазақстан халқы тарихының белгілі-бір кезеңі туралы, оның ливан халқымен тағдырларының ұқсастығы, ұлтаралық және дінаралық достық пен келісім және Елбасының болашақ саяси, әлеуметтік көзқарастарының қалыптасуына әсер еткен оқиғалар мен фактілер туралы баяндайды деп айтты.

Ливан көрермендері көркем фильмді жылы қарсы алды. Ол Орталық мемлекеттік телеарнасында бір ай бойы көрсетілетін болады.

Сұхбат барысында қазақстандық дипломат Елбасымыздың Қазақстан халқына Жолдауында жариялаған «Нұрлы жол - болашаққа бастар жол» жаңа экономикалық саясаты туралы хабар берді.

Сонымен қатар, ливан көрермендеріне ү.ж. 10-11 маусымда Астанада өтетін Әлемдік және дәстүрлі діндер көшбасшыларының V Съезі, «Болашақ энергиясы» тақырыппен өтетін «ЭКСПО-2017» халықаралық көрмесі туралы мағлұматтар берілді.