Италия компаниясы Ақтауда зауыт салуға мүдделі - ИДМ

ҚР Инвестициялар және даму министрлігі хабарлағандай, ҚР Президенті Н.Назарбаевтың Италия премьер-министрі Маттео Ренцинмен келісімі жаңа өріс алды.

Компанияның Қазақстандағы бас директоры Хуан Хуаникотена Қарашығанақ кен орнындағы мұнай-газ жобасы бойынша ынтымақтастық аясында Tenaris-тің жергілікті аумақтардағы жұмыстарын қолдау мақсатында Ақтау қаласында құбырларға ойма салу желісінің сыйымдылығы 45 000 тонна/жыл болатын жаңа цех құрылысына 40 миллион АҚШ долларын салатындығын жария етті.  Қазірігі уақытта «Ақтау теңіз порты» АЭА-мен келісімшарт жасасу рәсімі өтуде. 

Компания өкілдерінің айтуларына қарағанда, Қазақстанда өндіріс құру жөніндегі шешім елдегі тартымды инвестициялық ахуалы және Ақтау АЭА-ның инфрақұрылымының жақсы дамығандығының арқасында қабылданды.

Зауыт құрылысының басталуы наурыз айына, ал аяқталуы келесі жылдың басына жоспарланып отыр. Кәсіпорында 90 адам жұмыс жасайтын болады (оның 90% жергілікті тұрғындардан тартылады). Жұмысшылардың біразын Румыниядағы  «Тенарис» жаңа зауытында оқыту жоспарлануда.