• Басты
  • Б.Сағынтаев арендалық тұрғын үй салу мәселелері бойынша кеңес өткізді
20 Ақпан, 2015 18:02

Б.Сағынтаев арендалық тұрғын үй салу мәселелері бойынша кеңес өткізді

Бүгін Үкімет үйінде ҚР Премьер-Министрінің бірінші орынбасары Бақытжан Сағынтаев арендалық тұрғын үй құрылысы мәселелері бойынша селекторлық режимде кеңес өткізді, деп хабарлайды primeminister.kz
Б.Сағынтаев арендалық тұрғын үй салу мәселелері бойынша кеңес өткізді

Кеңес барысында орталық атқарушы органдардың, «Бәйтерек» ҰБХ» АҚ-ның, облыстардың, Астана мен Алматы қалаларының әкімдіктері басшылары осы бағытта жүргізіліп жатқан жұмыс жайлы баяндады.

Естеріңізге салсақ, Мемлекет басшысы «Нұрлы жол – Болашаққа бастар жол» атты Қазақстан халқына Жолдауында Үкіметке әлеуметтік арендалық тұрғын үй салып, сатып алу құқығымен барынша төмен пайыздармен халыққа ұсынуды тапсырған болатын.  

«Нұрлы жол» бағдарламасы аясында тұрғын үй салуға және сатып алуға 250 млрд. теңге жұмсалады, үй салушылардан жалпы ауданы 1 483 мың шаршы метр болатын 29 мың пәтер сатып алу жоспарланған. Биылғы жылдың наурыз айында Астана, Алматы, Көкшетау, Семей, Қостанай қалаларында ауданы 76,5 мың шаршы метр болатын  алғашқы 1 357 пәтер тапсырылады. Барлығы биылғы жылы 78,7 млрд. теңге сомаға жалпы ауданы 505,3 мың шаршы метр болатын 8 616 пәтер салынып, сатып алынады. 

Талқылау қорытындысы бойынша, Бақытжан Сағынтаев «Бәйтерек» ҰБХ» АҚ облыстар, Астана мен Алматы қалаларының әкімдіктерімен бірге құрылысты уақытылы аяқтап, тұрғын үйді кезекте тұрғандарға үлестіруді қамтамасыз етуді тапсырды.

Барлық жаңалықтар