2014 жылы БҚО-да қайта өңдеу өнеркәсібі саласында 137 миллиард теңгенің өнімі өндірілді

20 Ақпан, 2015 19:56

Батыс Қазақстан облысының өңдеуші кәсіпорындары 137,7 миллиард теңгенің (өсім 0,8 пайызды құрады) өнімдерін өндірді, деп хабарлады облыс әкімдігінен.

Облыстың ішкі саясат басқарамысының хабарлауынша, бұл сала бойынша өндіріс көлемі 32,9 мың долларды құрады. Оңды жетістіктер машинақұрылысы саласында байқалды. Аталмыш сала өнімді 109 пайызға өндірді.

Өткен жылы «Зенит» Орал зауыты» акционерлік қоғамы зымыранды-артилериялық кемені суға түсірсе, ҰҚК-нің Шекара қызметіне арналған екі катерді қолдануға берді. Ал «Уральскагрореммаш» акционерлік қоғамы құны 2,2 миллиард теңге болатын 110 арнайы авто техника шығарды. Бұл 2005 жылғы көрсеткіштен 5 пайызға жоғары.

Сондай-ақ әкімдік хабарламасында аймақтағы сырттан тасымалданатын бірқатар азық-түлік түрлері мен қызметтерді топтастыру мақсатында Ақсай индустриалды паркінің жол картасы дайындалғандығы айтылған. Оған сәйкес, Аксай индустриалды паркінің резидент компаниялары 60 миллион АҚШ доллары көлемінде келісімдер жасады. Бұл машинақұрылысы саласындағы өнім көлемін айтарлықтай арттырмақ.

Барлық жаңалықтар