Б.Сапарбаев 2017 жылғы қысқы Универсиаданы өткізуге Алматының дайындық деңгейін тексерді

Күннің екінші жартысында вице-премьер 12 және 3 мың орындық мұз сарайлары мен Атлеттік ауылды қоса алғанда бірқатар спорттық және инфрақұрылымдық нысандардың құрылыс алаңдарында болып, 2017 жылғы қысқы Универсиаданы өткізуге Алматының дайындығы барысымен танысты.

Одан кейін болған кеңесте Алма­тының спорттық инфра­құ­ры­лымын да­мыту, 2017 жылғы Уни­вер­сиадаға дай­ындық мәселе­лері қаралып, сондай-ақ міндеті 2022 жылғы XXIV қысқы Олимпиада ойындарын қабылдауға Алматының дайындық дәрежесін анықтау болып табылатын Халық­аралық олим­пиадалық комитеттің Баға­лау комиссиясы сапарының қоры­тын­дылары туралы есеп тыңдалды.

Кеңесті қорытындылай келе, Б.Са­пар­­баев Универсиада-2017-нің нысан­­дары құрылысын сапалы және уақ­тылы аяқтау қажеттігін, бұл мәсе­ле­лердің үнемі Мемлекет басшысы назарында тұрғанын атап көрсетті.