Алматы қаласының Алатау ауданындағы Индустриялды аймаққа 28 жоба кіреді-әкім
20 Ақпан, 2015 12:36
Алматыда жалпы құны 230 млрд теңге болатын 28 жоба іріктелініп алынды, олар Алатау ауданындағы Индустриалды аймаққа кіреді, деп хабарлады қала басшысы Ахметжан Есімов халықпен есепті кездесуінде.
Бүгінгі таңда 490 гектарға Индустриалды аймақтың құрылсы жүруде. Іріктелініп алған жобалар машина жасау, құрылыс индустриясы, жеңіл, тамақ, химия, фармацевтика өнідірісі.
«Ағымдағы жылы аталмыш өндіріс ошақтарының құрылысы барысында инвесторлар 1500-ден кем емес және келер жылы 6000-ға жуық жұмыс орнын ашады. Бұл тек құрылыс барысында ғана», - деп атап өтті әкім.
Жалпы, Индустриалды аймақ іске қосылғаннан кейін 20 мыңнан астам адам жұмыспен қамтылады. Ал, бюджетке түсім жылсайын 7 млрд теңге көлемінде болмақ. Алғашқы өндіріс ошақтары ағымдағы жылдың аяғына қарай өз жұмыстарын бастайды.
