Алты елдің әскери қызметшілері ҰҚҰ қатысушыларымен бірге ұлттық қауіпсіздік негіздерін оқу курсынан өтті

Қорғаныс министрлігі хабарлағандай, шараға Қазақстан, Қырғызстан, Ресей, Армения, Белорусья, Тәжікстан мемлекеттерінің мамандары қатысып, РФ ҚК БШ Әскери академиясында оқу курсынан өтті. Біздің елімізден де арнайы курстың тыңдаушысы ретінде ҚР ҚК Бас штабы бастығының орынбасары генерал-майор Мүслім Алтынбаев қатысты.

Дәрістерде әскери және ұлттық қауіпсіздіктің, әскери стратегия, басқару, экономика туралы ерекшеліктер қаралды, сондай-ақ еуразия кеңістігіндегі халықаралық қауіпсіздік жүйесіндегі Ұжымдық Қауіпсіздік жөніндегі келісім ұйымының рөлі мен орны зерделенді.  Тәжірибе сабақтарында тыңдаушыларға белгілі жайттар бойынша тапсырмалар берілді.

Әр тыңдаушы ол жағдайды бағалауға, сондай-ақ қауіпсіздікті қамтамасыз ету бойынша мемлекеттік биліктегі жоғарғы лауазымды тұлғалардың әскери, саяси шешімдерін қабылдауға ұсыныс жасауға тиісті болды.  Осындай бірлескен оқу сабақтары бірінші рет өтуде, алда осы шараны жыл сайын ұйымдастыру жоспарлануда. Бұның нәтижесі мамандардың біліктілігін арттырып қана қоймай, ұжымдық қауіпсіздік жөніндегі Келісім ұйымы ауқымында мемлекеттер арасындағы байланысты нығайтуға әкеледі.