Кәсіпкерлерге жоғары сапалы өнім өндіру ісін жетілдіре түсу қажет -Е.Сайдмурадов

20 Ақпан, 2015 15:19

Елбасы Нұрсұлтан Назарбаев қазақстандықтарды өздерінің елдерінің патриоттары ретінде отандық өнімдерді сатып алуға шақырды, деді Ақтөбе облысының «Молочные историй» жауапкершілігі шектеулі серіктестігінің бас директоры Еркін Сайдмурадов Strategy2050.kz. ақпарат агенттігінің тілшісіне берген сұхбатында.

«Үкіметтің кеңейтілген отырысында Елбасы бірқатар дағдарысқа қарсы шараларды ұсынды. Олардың арасында "Қазақстанда жасалған» бағдарламасын ерекше айтуға болады»,-деді Е.Сайдмурадов.

Оның айтуынша, Президент сауда желілерінде қазақстандықт тауарлар қойылатын арнайы секциялар қою қажеттігін айтты. «Мұндай жағдайда бізге, яғни отандық кәсіпкерлерге жоғары сапалы өнім өндіру ісін үдете түсу қажет. Мемлекет басшысының әлемдік экономикада орын алып отырған жаңа үдерістерді ескере отырып, ауыл шаруашылығы өнімдері мен азық-түлік тауарларын қайта өңдеудің басты бағыт болуы қажеттігін тектен-тек айтып отырған жоқ. Бұл бағыттағы жұмыстарды біз осыған дейін де бастап кеткенбіз. Біздің кәсіпорнымыз сүтті қайта өңдеумен айналысады. Өткен жылы біз кәсіпорнымызды түбегейлі жаңғыртып, енді әдемі де әррлі етіп безендірілген түрлі-түсті қорапшаларда 20-дан астам жоғары сапалы өнім түрлерін дайындаудамыз»,-деді бас директор.

Сондай-ақ оның сөзінше, Мемлекет басшысы қазақстандық компаниялардың ЭКСПО-2017 сияқты өзге де ірі жобаларға барынша белсенді атсалысулары қажеттігін айтты. «Бұл біздің азаматтарымыздың еліміздің экономикасының өрлеуіне қосқан үлесі болмақ»,-дей келе Елбасы барлық мердігерлердің қазақстандық ресурстар есебінен барлық мүмкіндіктерді іске қосу қажеттігін ескертті. Сонда ғана біз көптеген жұмыс орындарын ашамыз. Қазақстандық қамту мәселесі бойынша түрлі форумдарды ұйымдастыру, меморандумдар бекіту ісін жақсылап қолға алу керек. Бұл да елімізде жұмыс орындарының көптеп ашылуына мүмкіндік беретін игі шаралардың бірі»,-деп ескертті Елбасы»,-деді кәсіпкер.

Барлық жаңалықтар