ИИДМБ: БҚО-да Индустрияландыру картасы аясында 38 жоба жүзеге асырылуда
20 Ақпан, 2015 15:04
Батыс Қазақстан облысы бойынша Индустрияландыру картасы аясында 303,3 млрд теңгенің 38 жобасы жүзеге асырылуда, ол 2108 жұмыс орнын ашады.
Облыс әкімдігінің хабарлауынша, 34 жобаның 22-сі 70 пайыздық жобалық қуаттылыққа шықты, 4 жобасы – 50 пайызға шықты. Қалған жобалар жобалық қуаттылыққа кезең-кезеңмен шығады.
Өткен жылы 6,5 млрд теңгенің 3 жобасының жүзеге асырылуы аяқталды, 643 жұмыс орнының ашылуымен жүзеге асырылып жатқан жоба жиһаз шығару, вакуумды қораптағы ет кесінділері мен бөлшек ет өндіру ісімен айналысады.
Сондай-ақ, әкімдікте атап өткендей,2015 жылы Индустрияландыру картасы аясында 138 жұмыс орнының ашылуымен 44,6 млрд теңгенің 3 жобасын жүзеге асыру жоспарлануда.Ол Оралдағы мұнай өңдейтін зауыт, жылына 200 мың тонна қуаттылыққа шығады. Сондай-ақ, экологиялық К5 классының мотор жанар-жағармайын өндіретін өндіріс.
