Қ.Тоқаев Мажарстанның сыртқы экономикалық және сыртқы істер министрін қабылдады (ФОТО)

Сенаттың баспасөз қызметінен хабарлағандай, Жоғарғы Палатаның басшысы мейманды Парламенттің заң шығару қызметімен таныстыра келіп, Қазақстан Республикасының Президенті Н.Ә.Назарбаевқа кезектен тыс президент сайлауын тағайындау туралы мәселені қарауды өтінген бүгін Сенатта қабылданған Үндеу туралы хабардар етті. Қ.Тоқаев Қазақстан халқы Ассамблеясының бастамасы барша халықтың қызу қолдауына ие болып, қазақстандық қоғамда оң пікірлер туғызғанын атап өтті: «Халықаралық ахуал шиеленісе түскенде және жаһандық экономикадағы дағдарыстар күшейген қазіргі жағдайда біздің Президент кепілі болып табылатын ішкі саяси тұрақтылықты қамтамасыз ету аса маңызды», - деді ол

Әлемдік және дәстүрлі діндер лидерлері Съезі Хатшылығының Басшысы Қ.Тоқаев 2015 жылғы 10-11 маусымда өтетін бесінші Съезге әзірлік туралы П.Сийяртоны хабардар етті. «Съезд бейбітшілік пен даму жолында діни көшбасшылар мен саяси қайраткерлердің үнқатысуына арналады», - деді Сенат Төрағасы.

Аталып өткендей, П.Сийярто қазіргі әлемдегі тұрақсыздық жағдайында аса маңызды болып отырған ұлтаралық және конфессияаралық бейбітшілік пен келісімнің қазақстандық үлгісін жоғары бағалады.