М.Мұханов: «Нұрлы жол» көрсеткен мультипликативті әсерден кейін 11 мыңнан астам жұмыс орны ашылады деп күтілуде

«Мынадай мысал кетіруге болады. Жақында ғана «Жезқазған-Бейнеу» және «Арқалық-Шұбаркөл» теміржол желісі іске қосылды.  Есептеулер бойынша жобаларды жүзеге асыру Қазақстанда 5,5 мың адамды жұмыспен қамтуға  және жүк жіберушілердің 14,6 млрд теңге көлемінде шығынын үнемдеуге мүмкіндік береді. Сондай-ақ, сыртқы нарықта қазақстандық бизнестің бәсекеге қабілеттілігі артады, себебі жүктің 45% экспорт бағытында», - деді ол.

М.Мұхановтың айтуынша, инфрақұрылымдық, индустриалды-инновациялық даму бағдарламасын жүзеге асыру экономика өсіміне оң әсер ететіні сөзсіз.

«Инфрақұрылымның дамуы сыртқы байланыстардың нығаюына әсер етеді. Бұл экспортты арттыруға, еңбек ресурстарының жылдамдығының артуына, жаңа жұмыс орындарының ашылуына қолайлы әсер етеді», - деп толықтырды ол.