«Нұрлы жол» экономиканың ұзақмерзімді дамуының негізін салады – Мұханов

19 Ақпан, 2015 20:15

Қазақстан өткен жылы әлемдегі экономикалық күрделі проблемаларға қарамастан өз экономикасының өсімін 4,3% деңгейінде сақтап қала алды, деп хабарлады «Экономикалық зерттеулер институты»АҚ президенті Мақсат Мұханов ОКҚ-да өткен брифингінде.

«Көптеген халықаралық ұйымдар ағымдағы жылы әлем экономикасы өсімінің көрсеткіштерін төмендетуде. Бұл олар аз тұтынатын болады дегенді білдіреді, демек ол біздің экспортқа, мемлекетіміздің табысына, сәйкесінше экономикамызға әсер етуі мүмкін. Осы ретте Қазақстанда 2015 жылғы экономикалық саясат жаңа өсімдердің қорын жасақтау арқылы сыртқы факторлардың әсерін алдын алуға бағытталады», - деді ол.

М.Мұхановтың айтуынша, бұл ретте Елбасының Қазақстан халқына Жолдауында көтерген «Нұрлы жол – Болашққа бастар жол» бағдарламасы басты құралға айналды.

Ол атап өткендей, «Нұрлы жол» бір жағынан дағдарысқа қарсы бағытта жасақталған, бір жағынан экономиканың ұзақмерзімді дамуының негізін салады.

«Шетелдік зерттеулер көрсетіп отырғандай дағдарыс кезінде адам капиталы мен инфрақұрылымдарға инвестиция салынатын болса, олардың қайтарымы айтарлықтай көп. Сонымен, есептеулерге сәйкес Қазақстанда көлік секторына салынған әр 1 доллар бұл сектордың өндірісін 1,6 долларға дейін арттырады. Жалпы, «Нұрлы жол» бағдарламасында инфрақұрылым саласымен байланысты көпеген жобалар бар», - деп атап өтті М.Мұханов.

Барлық жаңалықтар