Д.Назарбаева қазақстандық – мажарстандық серіктестіктің маңыздылығын атап өтті
Кездесу барысында екіжақты және халықаралық деңгейдегі өзекті сұрақтар талқыланды, деп хабарлады Мәжілістің бапсөз қызметі. .
Мәжіліс Төрағасының орынбасары қазақстандық-мажарстандық ынтымақтастықтың жоғары деңгейде дамып келе жатқанын тілге тиек ете келіп, одан әрі нығайтудың маңыздылығына тоқталды. Сонымен қатар қонақтарды Мәжілістің заң шығармашылық жұмыстары жайында хабардар етіп, әсіресе, туристік кластерді дамыту, Қазақстан экономикасын әртараптандыру, қолайлы инвестициялық климат орнату жолында атқарылып жатқан заңнамалық жұмыстарға тоқталды.
Өз кезегінде Сийярто мырза Қазақстан басшысы тарапынан жүргізіліп отырған саясатқа жоғары баға беріп, венгерлік кәсіпкерлердің қазақстандық әріптестерімен ынтымақтастықты нығайтуға ынталы екендіктерін жеткізді.
Тараптар Қазақстан мен Мажарстан арасындағы өзара іс-қимылды дамытуда, парламенттік іс-сапарлармен алмаса отырып, парламенттік дипломатия рөлін нығайтудың қажеттілігіне тоқталды.
