ШҚО-да жұмыс берушілермен 7,5 мың меморандум түзілді
Ел экономикасының жан-жақты үрдістерін ескерсек, өңірде бүгінгі күні жұмысшылардың еңбек құқығымен қамтамасыз етілуі және өндірістік үрдістердің тұрақтылығын қамтамасыз ету үшін мемлекет пен кәсіпорындар арасында бекітілген меморандумдар өзара серіктестікті нығайту жұмыстарын жаңа деңгейге көтерген. 2015 жылдың 18 ақпаны бойынша ірі кәсіпорындармен 195, шағын кәсіпорындармен 6244 меморандумға қол қойылған.
«Өзара серіктестік ең алдымен өңірдегі жұмыс орнын сақтап қалуға мүмкіндік береді. Экономиканың төтенше кезеңі туындаған жағдайда олар өз жұмысшыларын барынша сақтап қалуға міндетті. Босатылған қызметкерлерді жұмыспен қамту үшін облыстық бюджеттен 11705 адамға есептеліп 829,9 млн. теңге қарастырылған», – деді А.Садықова.
Сонымен қатар, аймақта 2015 жылдың 1 қаңтары бойынша өңірде 654 жұмыс орыны (627 тұрақты болса, 27 уақытша) ашылған.
«2015 жылы халықты жұмыспен қамтамасыз етуге бағытталған мемлекеттік және аймақтық бағдарламаларды жүзеге асыру арқылы өңірімізде экономиканың әр саласында 15000 жұмыс орнын ашу көзделіп отыр. Қазіргі уақытта жергілікті атқарушы билік органдары облыстың қалалары мен аудандарына кіре берісте жаңа жұмыс орындарының ашылуын көрсететін электронды таблойд қою жұмыстарын жүргізуде. Осы арқылы халық жұмысқа орналасудың мүмкіндіктерін біле алады», – деп түйді А.Садықова.
