Қазақстанның ЖОО-лар қауымдастығы ҚХА-ның кезектен тыс Президент сайлауын өткізу жөніндегі бастамасын қолдады

«Еліміздегі тіркеуден өткен 77 жоғары оқу орнының басын қосатын Қазақстанның Жоғары оқу орындары қауымдастығының өкілдері Қазақстан халқы Ассамблеясының өкілдері көтерген 2015 жылы кезектен тыс Қазақстан Республикасы Президентінің сайлауын өткізу жөніндегі бастамасын қолдайды. Біз бүгінгідей жағдайда Президент сайлауы науқанын кешіктірмей ұйымдастыру еліміздегі маңызды деген әлеуметтік-экономикалық мәселелерді басты назарда ұстауға мүмкіндік береді деген ойдамыз», - деді қауымдастық президенті.

 Сонымен қатар ол, осы кезең бюджет қаржысын үнемдеп, сайлау науқанына дайындалуға да қолайлы мерзім екенін айтты. «Біз Мемлекет басшысының кезектен тыс сайлауын өткізу идеясын еліміздің қарқынды дамуы мен азаматтардың әл-ауқаттарының жақсы болуын қалайтын барлық күштер қолдайды деген ойдамыз. Бұл шешімді біздің қауымдастық өкілдері бірауыздан қабылдап отыр»,-деді Р.Алшанов.

Индира Қауметова