Қазақстанда 2015 жылы жазда «Ұлттық индустриалды мұнай-химиялық технологиялық паркі» АЭА-ның құрылысы басталады
19 Ақпан, 2015 16:29
Қазақстанда 2015 жылы жазда «Ұлттық индустриалды мұнай-химиялық технологиялық паркі» АЭА-ның инфрақұрылымының құрылысы басталады, деп хабарлады ҚР ұлттық экономика министрі Ерболат Досаев ОКҚ-да өткен брифингінде.
«Көліктік-логистикалық инфрақұрылымдарды дамыту аясында Орталық-Оңтүстік, Орталық-Шығыс және Орталық Батыс жобалары бойынша 1019 км жұмыстар жалғастырылады, жыл қорытындысы бойынша 272 км пайдалануға беру жсопарлануда. Сонымен, 2015 жылы жазда «Ұлттық индустриалды мұнай-химиялық технологиялық паркі» АЭА-ның құрылысы басталады», - деп сендірді министр.
Сонымен қатар, салалық ведомсвоның басшысы, «Хоргос-Шығыс қақпасы» АЭА құрылысы 2016 жылы аяқталатынын жеткізді.
Е.Досаев толықтырып өткендей, ағымдағы жылы энергетикалық ифрақұрылымдары дамыту үшін жалпы ұзындығы 600 км болатын «Екібастұз - Семей - Өскемен» 500кВт әуе электрэнергия желісінің 200 км салынады.
Индира Кауметова
