Мемлекет басшысы кәсіпкерліктің дамуына қолайлы жағдай жасап отыр -М.Таспенов
«Мен Мемлекет басшысының Үкіметтің кеңейтілген отырысындағы сөйлеген сөздерін мұқият тыңдадым. Мен Елбасының бүгінгі таңда білекті сыбанып тұрып жұмыс істеу қажет деген сөзімен толықтай келісемін,-деді М.Таспенов.
Оның айтуынша, Президент бүгін елдегі кәсіпкерлік саласының қарыштап дамуына көп мүмкіндіктер жасап отыр. Осы бағытта аламын деушілерге өзінің жеке ісін дамыту үшін несие де беріліп жатыр.
«Осы күнде тіпті ауылды жердегі бизнестің өзіне барлық мүмкіндіктер жасалған. Мысалы біз 2000 жылдан бері бизнеспен отбасымызбен айланысамыз. Қазіргі уақытта бұл іске менің балаларыммен қатар немерелерім де араласа бастады. Меніңше, кез-келге кәсіпте өзінің тәртібімен, ережесімен таза жұмыс істеу керек. Біз де мүмкіндігінше клиенттеріміздің талап-тілектерін орындауға тырысып, олар сұраған тауаралардың кез-келгенін тауып беруге тырысамыз»,-деді кәсіпкер.
Оның айтуынша, кәсіпкер ауыл азаматтарына техника мен үй жиһаздарын сатқанда қаржысын екі кейін төлеуге мүмкіндік береді. «Бұны пайызсыз берілген несие деуге де болады. Яғни біз әр азаматтың талап-тілегіне жауап беруге тырысамыз. Елбасы «Қазақстанда жасалған» акциясының іске қосылып, еліміздің барлық сауда орындарында отандық тауарлардың орын алуына мүмкіндік жасап отыр. Осыған қарай біз де дүкендерімізде осы отандық тауарларды қоюға күш салып отырмыз»,-деді М.Таспенов.
Оның пікірінше, ел басына туған осындай күрделі кезеңдерде мемлекетке жанашырлық танытып, өзінің туған отаныңда шығарылған тауарларды пайдаланған өте жөн.
