• Басты
  • Жамбыл облысында ҰОС Жеңісінің 70 жылдығына орай «Жеңіс пойызы» жолға шықты (Фото)
19 Ақпан, 2015 14:36

Жамбыл облысында ҰОС Жеңісінің 70 жылдығына орай «Жеңіс пойызы» жолға шықты (Фото)

Бүгін Жамбыл теміржол стансасынан «Жеңіске тағзым» айлығы аясында «Жеңіс пойызы» өңірдің шалғай елді-мекендеріне салтанатты түрде аттанды.
Жамбыл облысында ҰОС Жеңісінің 70 жылдығына орай «Жеңіс пойызы» жолға шықты (Фото)

Облыс әкімдігі хабарлағандай, пойыз екі бағыт бойынша ұйымдастырылды: Жамбыл – Бурное, Жаңатас, Жамбыл – Чу– Шығанақ- Отар.   

Акцияның мақсаты: ардагердердің жасаған ерліктері мен еңбектеріне құрмет көрсету, Ұлы Жеңіске қосқан үлестеріне тағзым етіп ұрпақ жадында жаңғырту.  

Пойыз құрамында дәрігерлер мен әлеуметтік сала қызметкерлері, арлагерлер мен үкіметтік емес ұйымдардың мүшелері, жастар мен өнер қайраткерлері бар. Шалғай елді-мекендерді аралайтын жасақтың құрамында 35 адам болса, оның 15-і дәрігерлер.

«Жеңіс пойызының» мақсаты шалғай стансалар мен разъездерде тұратын Ұлы Отан соғысына қатысқан ардагерлердің, оларға теңестірілген азаматтардың және тыл еңбеккерлерінің жасаған ерліктері мен еңбектеріне, Ұлы Жеңіске қосқан үлестеріне тағзым ету, оларды қамқорлыққа алып, медициналық тексеруден өткізу, сонымен қатар, мерекелік көңіл-күй сыйлау, келешек ұрпақтың бірлігін нығайту. 

Әр станцияда жиындар мен концерттік бағдарламалар, мектептерде ардагерлермен кездесулер ұйымдастырылады. Дәрігерлер мен әлеуметтік сала мамандары  ҰОС ардагерлері мен тыл еңбеккерлеріне медициналық-әлеуметтік көмектер көрсетіп,  арнайы сыйлықтар табыс етеді.  

 

 

Барлық жаңалықтар