Қазақстан ДСҰ-ға ену келіссөздерін 2015 жылдың көктемінде аяқтайды
19 Ақпан, 2015 11:41
Қазақстанның ДСҰ-ға ену үдерісі аяқталуға жақын, келіссөздер ағымдағы жылдың сәуір-мамыр айларында өз мәресіне жетеді, деді ОКҚ брифингінде Ұлттық экономика министрі Ерболат Досаев.
«ДСҰ-ға ену туралы келіссөдер аяқталуға жақын. Өткен жылдың негізгі қорытындысы Қазақстанның ДСҰ-ға қосылуының Еуропалық Одақпен өткен екіжақты келіссөздерінің аяқталуы. Біз келісімге қол қойдық», - деді ол.
ҰЭМ басшысы атап өткендей, осы сынды келіссөздер АҚШ-пен де жүзеге асқанын айтты. «Қазір белсенді келіссөздер АҚШ-тың фитосанитарлық тәртіптері мен сауда өкілдіктерімен жүргізілуде», - деді ол.
Е.Досаевтың айтуынша, сәуір-мамыр айларында аталмыш келіссөздерді тыңғылықты аяқтау жоспарлануда. «Экономикалық интеграция министрі Айтжанова бүгін белсенді келіссөздер жүргізудің ортасында жүр. Алматыда Еуропалық Одақтың қосымша нормаларына сәйкес келіссөздер өтуде», - деді министр.
Индира Кауметова
