2015-2019 жылдарға арналған әлеуметтік-экономикалық даму жөніндегі болжам Мәжіліске жіберілді

«Жыл басынан бері әлемдік мұнай бағасының екі еседен астам құлдырауына және жағдайдың бұдан әрі де қиындай беруі мүмкіндігіне байланысты мұнай бағасының 50-30 доллар көлемінде болған жағдайда Қазақстан экономикасының дамуы қалайша сипат алады деген мәселе  төңірегінде болжам жасалды»,- дейді Ұлттық экономика министрі Ерболат Досаев.

Оның айтуынша, мұнай өндіру көлемі 2015 жылы 80,5 миллион тоннаны құрайды және ол 2019 жылға дейін 93 миллион тоннаға дейін ұлғайтылатын болады. «2015-2017 жылдар аралығында мұнай бағасы алдын ала болжам бойынша 80 доллардан 50 доллар аралығында құбылуы мүмкін, ал 2018-2019 жылдар аралығында мұнайдың баррелі 60 доллар болады»,-деді министр.

Сонымен қатар, ол 2015 жылы өнеркәсіп өнімдерінің көлемі 0,3 пайызға, 2019 жылы 2 пайызға қысқаратындығын атап өтті.

Қазақстанның 2015-2019 жылдар аралығындағы әлеуметтік-экономикалық даму болжамы осы салалардың 2014 жылғы даму көрсеткіштерінің және  әлемдік тауар нарығындағы жағдай мен бағалардың сөрсеткіштері негізінде дайындалған. 

Камила Амирова