ШҚО-да 2015 жылы жол саласына 25 млрд теңге бағыттау жоспарланған

«Нұрлы Жол» Жаңа Экономикалық саясатын іске асыру шеңберіндегі негізгі міндеттер – экономиканың тұрақты өсімі мен  қазақстандықтардың өмір сүру сапасын қамтамасыз ету.

Бағдарламаның негізгі бағыттарының бірі – жолдар құрылысы. Ағымдағы жылы  жол саласына 25 млрд.теңге бағыттау жоспарланған.

«14 млрд.теңгеге 209 км республикалық маңызы бар жолды, 6 млрд.теңгеге 66 км облыстық маңызы бар жолды, 5,5 млрд.теңгеге 85 км аудандық маңызы бар автожолдар мен көшелерді жөндеу жоспарланған», - делінген хабарламада.

 «Бородулиха-Жезкент», «Күршім-Қалжыр», «Үлкен Нарын-Күршім» автомобиль жолдары және Казнаковка өткелі мен Алакөл көлі бағыттарындағы жолдар жөнделетін болады.

Көлік-логистика инфрақұрылымын дамыту макроөңірлерді қалыптастыру шеңберінде хаб пинципі бойынша жүргізіледі. Инфрақұрылым каркасы Астананы өңірлермен күн сәулесі іспеттес магистральды автомобиль жолдары, теміржолдар мен авиажелілерімен байланыстыратын болады.

Біздің облыста «Астана-Өскемен» магистралі бойынша 118 км қайта жаңартылған, ағымдағы жылы 53 км жөндеу жоспарланған, бұдан басқа осы «Астана-Өскемен» трассасы және  магистралі бойынша жобалау-іздестіру жұмыстары аяқталуда.

Жобаларды іске асыру 2020 жылға қарай автомобиль көлігімен тасымалдау көлемін 1,5 есе арттыруға, 2 мыңнан астам жұмыс орнын ашуға мүмкіндік береді. Объектілер құрылысы барысында жергілікті материалдар қолданылады, құрылыс индустриясы мен жол саласы дамытылады.