БҚО-да 60 шақырымнан астам облыстық және аудандық маңыздағы жол жөнделді

2013 жылмен салыстырғанда бөлінген қаражат сомасы үш есе артқан. 2014 жылы аудан орталығы Қаратөбе ауылына дейін ұзындығы 48 км  автожол қүрделі жөндеуден өтті.

Жалпы, өткен жылы барлығы 60 км-ден астам облыстық және аудандық маңыздағы жол қалпына келтірілді.

Бүгінде аудан орталығы Шыңғырлау ауылына дейін 17  км жолды жөндеу жұмыстары жалғасуда. Бұл учаскі бойынша жөндеу жұмыстары ағымдағы жылы аяқталады.

Сонымен қатар, «Казталовка-Жәнібек-РФ шекарасы» жолын қалпына келтіру жалғасуда. Жалпы ұзындығы 86 км республикалық маңыздағы «Самара-Шымкент», «Чапаев-Жалпақтал-Казталовка-РФ шекарасы», «Подстепное-Федоровка-РФ шекарасы» жолдарын жөндеуден өткізуге 5,2 млрд теңге бағытталды.

Ал, облыс орталығындағы көшелерді жөндеуге 4,9 млрд теңге қарастырылды. 2014 жылы Оралда жалпы ұзындығы 40,6 км болатын 25 көше жөндеу жұмыстарымен қамтылды.

 «Өңірді дамыту» бағдарламасы аясында инженерлік инфрақұрылымдарды қалпына келтіру үшін 1,0 млрд теңге бөлінді. Қомақты қаржыға Орал қаласындағы жаңа қалалық алаңның рекреациялық аймағының құрылысы жүргізіліп, облыс орталығының көшелері қалпына келтірілді.