Батыс Қазақстан облысында құны 3,8 миллион теңге болатын 6 инвестициялық жоба жүзеге асырылуда

Батыс Қазақстан облысының әкімі Нұрлан Ноғаевтың жергілікті тұрғындармен өткізген есепті кездесуінде келтірген мәліметтері бойынша, бүгінгі таңда аймақты құны 3,9 миллион теңге болатын 6 инвестициялық жоба жүзеге асырылуда.  Олардың арасында елімізде ең алғаш рет іске қосылған ет өңдейтін кешенді ерекше атап өтуге болады. Аталмыш кешенде ет өнімдерін кесіп, бөлу, вакумды қаптамадағы етті дайындау сияқты жұмыстар атқарылады. Кешен тәулігіне 1 мың 400 қозы етін өңдей алады.  Жоба экспортқа негізделген.  

 Бұған қоса облыста жылына 1 мың 750 басты союға мүмкіндігі бар цех пен 2,4 мың тонна көкөністі қабылдай алатын көкөніс қоймасының құрылысы аяқталды. Сондай-ақ  бір қабылдағанда 15 тонна етті сыйдыра  алатын, етті мұздатып сақтайтын қойма мен 500 мүйізді ірі қараға арналған бордақылау алаңының құрылысы жалғасуда.

Аймақта агроөнеркәсіп кешеніне инвестиция тарту мақсатында 2014 жылы осы агроөнеркәсіп кешен субъектілеріне келтірілген шығындар инвестициялық салымдар есебінен қайта қалпына келтірілді. Қазіргі таңда бұл сома 222,9 миллион теңгені құрап отыр.