«ҚазАгро» ұзақмерзімді инвестициялық жобаларды қаржыландыруды жалғастырады

18 Ақпан, 2015 18:07

«ҚазАгро» холдингі шығыстарды оңтайландыру шарасына қарамастан, ұзақмерзімді жобаларды қаржыландыруды жалғастыра беретін болады. Бұл туралы баспасөз мәслихаты барысында «ҚазАгро» ұлттық басқарушы холдингі» акционерлік қоғамының басқарма төрағасының міндетін атқарушы Дәурен Мақажанов мәлім етті.

«Біз инвестициялық бағдарламаларды жүзеге асырудамыз. «ҚазАгро» ұлттық холдингінің инвестициялық портфеліне бүгінгі таңда құны 309 миллиард теңге болатын 477 жоба кіреді. Олардың 365-і қолданысқа енгізілді және қолданысқа енгізілген жобалардың 236-ның қуаты 70 пайызға жетті. Біз жаңа жұмыс орындарын ашу мен агроөнеркәсіп кешені өнімдерін өндіруге қол жеткізу үшін алдағы уақытта да ұзақмерзімді жобаларды қаржыландыруды жалғастыра беретін боламыз», - деді басқарма төрағасының міндетін атқарушы.

Сондай-ақ ол биылғы жылы негізгі күшті агроөнеркәсіп кешенін қаржыландырудың қарқынын жетілдіруге жұмсайтындықтарын айтты. «Өткен жылы біз бұл саланы 222 миллиард долларға қаржыландырған болатынбыз. Биылғы жылы қаржы нарығында қалыптасқан жағдайға байланысты біздің басты мақсатымыз қаржыландару көлемін азайтып алмау, ал мүмкіндігі келіп, жатса қаржыландыруды барынша ұлғайту», - деді Д.Мақажанов.

Естеріңізге сала кетйік, Елбасы Үкіметтің кеңейтілген отырысында әлемдік экономикада болып жатқан үдерістерді ескере отырып, ауыл шаруашылығы мен азық-түлік өнеркәсібін қайта өңдеуді дамыту экономиканың басты бағыты болуы керектігін атап көрсеткен болатын.

Индира Қауметова

Барлық жаңалықтар