Қызылорда облысында денсаулық сақтау саласын қаржыландыру 2 есе артты
Ол атап өткендей, медициналық мекемелерді қажетті құрал-жабдықтармен жабдықтау үшін 3 миллиард теңгеге жуық қаржы берілді. Барлық аудандағы орталық ауруханалар жаңа техника алды. Бұл емдеу-сауықтыру шараларының ауданда көбірек жасалып, халықтың қалаға қатынауын азайтты.
Жалпы, аталған сала бойынша жан басына шаққандағы шығын көлемі бойынша Қызылорда Астанадан кейінгі екінші орында.
«Әлеуметтік саладағы ең маңызды бағыт денсаулық сақтау қызметінің сапасы мен оның қолжетімділігін қамтамасыз ету. Соңғы зерттеулер көрсеткендей, барлық мемлекеттік қызмет түрлерінің 83 пайызы медицина саласына тиесілі екен. Сондықтан халықтың медициналық қызметке берген бағасын тұтастай мемлекетке, яғни билікке берілген баға деп қабылдау керек», - деді облыс әкімі Қ.Көшербаев.
