• Главная
  • Әскери ұшқыштар әуеде штаттан тыс пайда болған жағдайды жедел шешу біліктіліктерін жаттықтырды (Фото)
19 февраля, 2015 18:06

Әскери ұшқыштар әуеде штаттан тыс пайда болған жағдайды жедел шешу біліктіліктерін жаттықтырды (Фото)

Талдықорған қаласындағы 21751 әскери бөлімі базасында 2015 жылғы 8-15 ақпан аралығында ҚР ҚК ӘҚК Әскери әуе күштері ұшулар басшылық тобының (ҰБТ) жиындары өтті, деп хабарлады ведомство.
Әскери ұшқыштар  әуеде штаттан тыс пайда болған жағдайды жедел  шешу біліктіліктерін жаттықтырды (Фото)

 Жиынға авиация базасының, комендатура мен авиация дәлдеу пункттерінің  36 офицері қатысты.

«Ұшу қауіпсіздігі тікелей әуе кемесін тиімді басқаруға байланысты», - деді жиын жетекшісі, ҚР ҚК ӘҚК ӘӘК ҚБ ұшу қауіпсіздігі бөлімінің бастығы полковник Қайрат Бузумов.

Курсқа қатысушылар әуе кеңістігінде  штаттан тыс пайда болған жағдайларды жедел әрі сауатты шешу біліктіліктерін жаттықтырды. Жиын аяқталған соң жас мамандар әуе қозғалысымен басқаруға рұқсат сертификаттарын қолдарына алады.

Ұшулар басшылық тобы – ұшудың барлық кезеңінде, жерден көтерілгеннен бастап жерге қонғанға дейін, әуе кеңістігіндегі кемелерді басқаруға міндетті тұлғалар. Сонымен қатар, олар экипажды ұшуға әсерін тигізетін ауа-райы туралы ақпарат беруге және әуе мен жердегі жағдай туралы мағлұмат беруге міндетті. Ұшулар басшылығы авиациялық қызметтің бір түрі ретінде авиациядан кейін пайда болғанын айта кеткен жөн.

Ұзақ уақыттар бойы ұшқыштар әуеде өз еріктерімен әрекет ететін, ұшулар басшылығы деген ұғым болмаған. Радиобайланысының жоқшылығы себебінен ұшулар басшылығы қызметі тек ұйымдастырушылық міндеттермен ғана шектелген. Ұшулар басшылығында  айтарлықтай өзгерістер өткен ғасырдың 40-шы жылдары ұшақтар мен басқару пункттерін радиобайланыс құралдарымен жабдықтау түрінде болды.