Ауыл шаруашылығы министрлігінің бюджеті 2015 жылы 20 миллиард теңгеге ұлғайтылды

18 Ақпан, 2015 16:04

2015 жылы Ауыл шаруашылығы саласы бойынша қаржыландыру көлемі қосымша 20 миллиард долларға ұлғайтылып отыр. Бұл туралы Орталық коммуникациялар қызметінде болған баспасөз-мәслихатында Парламент Мәжілісінің Аграрлық мәселелер жөніндегі комитетінің төрағасы Ромин Мадинов мәлім етті.

«Ауыл шаруашылығы біздің экономикамыздың негізгі салаларының бірі. Осыған қарай бүгін Парламентке 2015 жылға арналған бюджетті бекітуіге қатысты заң жобасы келіп түсті. Онда ауыл шаруашылығы саласы бойынша бөлінетін қаржы көлемі 20 миллиард теңгеге көбейіп отыр», -деді комитет төрағасы.

Бұл ретте депутат Парламент пен Үкіметтің экономиканың бүгінгідей жағдайында бірінші кезекте ауыл шаруашылығы саласын қаржыландыру қажеттігін жақсы түсінетіндігін айтты. «Ауыл шаруашылығы саласына барынша кең көлемде субсидия беру керек. Өйткені тап осы ауыл шаруашылығы саласының экономикалық серпін беретіндігін біз тарихи тәжірибемізден жақсы білеміз»,-деп толықтырды сөзін депутат.

Естеріңізге сала кетейік, Елбасы Үкіметтің кеңейтілген отырысында әлемдік экономикада орын алып отырған жаңа жағдайларға сәйкес, экономиканың басты бағыты ауыл шаруашылығы өнімдері мен азық-түлік өнеркәсібін қайта өңдеуді дамыту болуы қажеттігін атап көрсетті.

Индира Қауметова

Барлық жаңалықтар