Г.Қарағұсова: 2015-2017 жылдарға арналған республикалық бюджетке енген өзгертулер әлеуметтік саладағы шығындарға әсер етпейді

18 Ақпан, 2015 16:19

2015-2017 жылдарға арналған РБ-ға енген өзгертулер әлеуметтік саладағы шығындарға әсер етпейді, деді Парламент Мәжілісінің қаржы және бюджет комитетінің төрағасы Гүлжан Қарағұсова «Нұр Отан» партиясының отырысында.

«39 және 40 пайыз алдын-ала бекітілген бюджет бойынша әлеуметтік салада 4 бағыт бойынша өзгеріссіз қалып отыр. «Жұмыспен қамтудың жол картасы – 2020» бағыты бойынша оның тиімділігі өзектілендіріледі. Бірінші бағыт – босатылған жұмысшылар мен мақсатты топтарды инфрақұрылымдық жобалар мен «Нұрлы жол» бағдарламасы аясындағы жобаларды жүзеге асыру мақсатында жүзеге асырылады», - деді Г.Қарағұсова.

Екінші бағыт бойынша Мәжілістің депутаты атап өткендей, ауылдағы кәсіпкерлік «Бизнестің жол картасы-2020» бағдарламасына трансформацияланады.

«Үшінші бағыт – жергілікті атқарушы органдардың мақсатты бағдарламалары есебінен жұмыспен қамту және оқыту мәселелерін жүзеге асыру ұсынылды. Жаңа мақсатты бағдарламалар пайда болмақ, олар «Нұрлы жол» аясында 783 499 мың теңгеге қаржыландырылатын болады. Ұлттық қор 1 млрд 702 млн теңге көлеміндегі трансфертке ие», - деді ол.

Айта кетейік, ертең 19 ақпан күні ҚР Парламентінің Мәжілісі 2015-2017 жылдарға арналған республикалық бюджет заңнамасының таныстырылымы өтеді.

Камила Амирова