2015 жылы Астанада 7 ҰОС ардагері пәтерге ие болады – Жақсыбеков
Астана қаласының әкімі хабарлағандай, бүгінде Астанада 216 Ұлы Отан соғысының ардагері тұрып жатыр. 2015 жыл қарсаңында посткеңестік кеңестікте теңдесі жоқ шара өтті: ардагерлер Мемлекет басшысы Нұрсұлтан Әбішұлы Назарбаев атынан жеке құттықтаулар мен сыйлықтар алды.
7 ақпанда Астана қаласында студенттер мен ЖОО оқушыларының ардагерлер мен мүгедектерге көмек көрсетуге бағытталған кең көлемді қайрымдылық қозғалысы басталды. Мұндай шара Қазақстанда алғаш рет өткізіліп отырғанын қуана жеткізгім келеді. Жастар қарияларға азық-түліктерін әкеліп, үйлерін жинап береді. Аулаларын қардан тазартып, үй шаруасында көмектеседі. Бір атап өтерлігі, жастар, тоғызыншы мамырдан кейін де бұл қайрымдылық шарасын жалғастыра бермек.
Атап өткім келетіні, Астанада ғана, әлеуметтік жеңілдіктері бар азаматтардың барлығы қоғамдық көлікпен тегін жүреді. Біздің ардагерлер коммуналдық төлемдерден толықтай босатылған. Өткен жылы 83 Ұлы Отан соғысы ардегерінің пәтерлеріне жөндеу жұмыстары жасалды. Ағымдағы жылы 9 Мамырға орай біз 84 батырымыздың пәтірін жөндеп береміз. Сонымен қатар, осы жылдың 20 наурызына дейін елордаға 2014 жылдың екінші жарты жылдығында келген және тізімде тұрған Ұлы Отан соғысының 7 ардагері пәтерлерін алады, - деді Әділбек Жақсыбеков.
