Мәжіліс табиғи монополиялар мен реттелетін нарықтар мәселелері бойынша түзетулерді мақұлдады

«Заң жобасында Қазақстан Республикасының «Табиғи монополиялар мен реттелетін нарықтар туралы» заңына өзгерістер енгізілуде.  Атап айтар болсақ, табиғи монополия субъектілерінің инвестициялық міндеттемелері, негізсіз шығындарды болдырмау және тарифтік процедураларды оңтайландыру салаларына өзгерістер енгізілуде. Сонымен қатар, ашық тыңдаулар өткізу  және тұтынушы алдында жыл сайынғы есеп беру, тұтынушының шағымын қабылдау және оны қарастыру, тұтынушының құқығын қорғау бойынша өзгерістер қарастырылған»,- делінген экономикалық реморма және аймақтық даму комитетінің қорытындысында.

Заңжобасының мақсаты тариф түзу процесінің және табиғи монополиялар субъектілері қызметінің ашықтығын қамтамасыз ету.

«Сонымен, 7 және 7-2 баптарда тариф түзу процесінің ашықтығын қамтамасыз ету жолында табиғи монополиялар субъектілерінің қызметі жайлы тізімді кеңейту қарастырылған»,- деп атап өтілген қорытындыда.

Камила Амирова