2014 жылы елорданың ЖӨӨ-сі 6,6 пайызға өсті – Жақсыбеков

18 Ақпан, 2015 14:05

2014 жылғы жалпы өңірлік өнім, 3-9 триллион теңгені құрады. Бұл 2013 жылғы кезең көрсеткішінен 6,6 % жоғары, деді Астана қаласының әкімі Ә.Жақсыбеков халық алдында берген есебінде.

Инвестиция көлемі 13 % артты. Жалпы ел экономикасына тартылған инвестицияның 10 % Астана үлесінде; орташа айлық жалақы 11 % ұлғайып, 176 мың 547 теңгені құрады; жұмыссыздық деңгейі төмендеп, 5,2 % деңгейінен асқан жоқ;

Экономиканың тиімді әрі сапалы дамуының арқасында Астана биылдан бастап Алматы қаласы, Атырау және Маңғыстау облыстары сияқты республикалық бюджеттің донорлары қатарына енді;

2014 жылы балаларды мектепке дейінгі тәрбиемен жоспарланған деңгейде қамтуға қол жетті (жоспар 62,5 %, іс жүзінде – 63,1 %), үш ауысымда оқытатын мектептер саны 4-ен 2-ге қысқарды; сондай-ақ халықтың туу көрсеткіші артты. 2013 жылы 1000 адамға 27,58 баладан келсе, былтыр 29,01 баланы құрады. Өлім көрсекіші төмендеді. 2013 жылғы 1000 адамға 4,4 деңгейінен былтырғы 4,26 деңгейіне дейін. Сәби өлімі 1000 нәрестеге – 9,2-8,0 дейін.

Барлық жаңалықтар