А.Баталов: Алматы облысында ауыл шаруашылығын қолдауға 21 млрд теңге бөлінеді
18 Ақпан, 2015 12:51
2015 жылы «Агробизнес-2020» бағдарламасы бойынша ауыл шаруашылығын қолдауға 21 млрд теңге бөлінеді. Бұл туралы Алматы облысының әкімі Амандық Баталов аймақ халқына есеп берген кезінде айтты.
«Президенттің тапсырмасы бойынша Алматы облысында жүгері мен апорт, қызанақ өсіруді қайта жаңғырту бойынша шаралар жоспары дайындалды. Қант қызылшасының өндірісін 4 гектарға жеткізіп, 120 мың тонна қызылша жинау көзделген», - деді А.Баталов.
Оның айтуынша, «Жетісу» арқылы шаруаларға мемлекеттік қолдау көрсету үшін қант қызылшасын жинайтын арнайы техника алу үшін 1 млрд теңге бөлінді. Бұл үш мың жұмыс орнын ашуға мүмкіндік береді.
