• Басты
  • «Дала қыраны» бітімгершілік оқу-жаттығуында компьютерлік бағдарламалар пайдаланылатын болады
19 Ақпан, 2015 12:06

«Дала қыраны» бітімгершілік оқу-жаттығуында компьютерлік бағдарламалар пайдаланылатын болады

«Дала қыраны-2015» халықаралық тактикалық-арнайы бітімгершілік оқу-жаттығуы екі кезеңде: біріншісі– сәуір айында, екінші кезең – 2015 жылдың маусымында өтеді, деп хабарлады ведомство.
«Дала қыраны» бітімгершілік оқу-жаттығуында компьютерлік бағдарламалар пайдаланылатын болады

«Дала қыраны» оқу-жаттығуының бірінші кезеңі «Қазбат» бітімгершілік батальонының бейбітшілікті қолдау бойынша көпбейінді операцияларында сәйкес көпұлтты күштер құрамында бірлескен басшылықпен  берілген міндеттерді атқара алу қабілеттіліктерін тексеруге бағытталған.

«Дала қыраны-2015» оқу-жатығуының екінші кезеңі «Іле» оқу-жаттығу орталығының базасында өтеді. Онда бітімгершілік бөлімшелер штабтарының командалық-штабтық жаттығулар түріндегі даярлығы жоспарланған. Командалық-штабтық компьютерлік-симуляциялық оқу-жаттығулары JCATs бағдарламасын пайдаланумен жүзеге асырылады.

 Аталмыш бағдарлама моторесурс пен оқ-дәрілердің шығынысыз бөлімшелерді ұйымдастыру, басқару және қолдану  жұмыстарын орындауға және де жоспарланған операцияларды компьютерде жүргізуге  көмектеседі. Қазақстан тарапы биыл «Қазбат» қазақстандық бітімгершілік батальонының барлық жеке құрамы мен ҚР ҚК Аэроұтқыр әскерлері «Қазбриг» қазақстандық бітімгершілік бригадасының штабын жұмылдыруды жоспарлап отыр.

Естеріңізге сала кетсек, «Дала қыраны» оқу-жаттығуы «Қазбриг» бітімгершілік бригадасының бейбітшілікті қолдау бойынша көпбейінді операцияларына  сәйкес көпұлтты күштер құрамында бірлескен басшылықпен  берілген міндеттерді атқара алу қабілеттіліктерін тексеруге бағытталған. Аталмыш оқу-жаттығу 2003 жылдан бері өткізіліп келеді. Жыл сайын оқуға 1500-ден астам адам, шетелдік әскери өкілдер, НАТО түрлі штабтарының сарапшылары мен Қазақстанда тіркелген  әскери дипломатиялық корпус қатысып келеді.  


 

Барлық жаңалықтар