«ҚазАгро» холдингі азық-түлік келісімшарт корпорация желісі бойынша алғашқы несиелерді бере бастайды

«Мемлекет басшысы ағымдағы жылы және болашақта да көктемгі егін егу жұмыстарын уақытылы өткізу маңыздылығын атап өткен болатын.  Республикалық бюджеттен 60 млрд теңге бюджеттік несие  бекітіліп,  ол «ҚазАгроға» АӨК несиелеу үшін бөлінеді», - деп мәлімдеді Махажанов.

Оның айтуынша, 2015 жылы қаржыландырудың бірнеше жолдары пайдаланылады.

«Ағымдағы жылы өткен жылдағыдай  қаржыландырудың азық түлік келісімшарттық корпорация желісі пайдаланылады», - деп сендірді ол.

Осы ретте, Махажанов хабарлағандай, бұл желі бойынша бүгінде 17 млрд 650 млн теңге  бөлінді және өтініштерде келіп түсуде. «Менің ойымша апта соңына дейін алғашқы несиелерді бере бастаймыз», - деп жалғастырды ол.

Бұдан басқа, «ҚазАгро»ҰБХ» АҚ басқарма төрағасы міндетін атқарушы  Дәурен  Махажанов атап өткендей, екенші деңгейдегі банктердің кепілдемесі бойынша аграрлық-несиелік корпорация 7,5  млрд теңгеге дейін несие береді  - бұл ортақ лимит. «Бүгінде өтініштер беріліп қойды және олар қаралуда», - деп түйді ол.

Индира Кауметова