Қостанай облысында 2014 жылы ҮЕҰ-мен бірлескен 147 жоба жүзеге асырылды

Облыстық ішкі істер басқармасының ақпараттары бойынша, Қостанай облысының үкіметтік емес  секторында 768 ұйым бар және оның 220-ы  ауылдық аймақтарда жұмыс істеуде. 

Үкіметтік емес ұйымдардың жұмыс бағыттарын зерделейтін болсақ, олардың төрттен бірі әлеуметтік қорғау саласына, 17 пайызы салауатты өмір салтын қалыптастыру мен спортты дамытуға, 15 пайызы жастар мен балаларға жұмыс істейді.

Соған қарай облыста жыл сайын әлеуметтік маңызы бар жобалардың конкурстары мен форумдары, көрмелер мен тың бастамалардың  жәрмеңкелері  ұйымдастырылады.

Облыстың ішкі саясат басқарамысының мәліметтерінше, 2014 жылы қалалар мен аудандандардың  әкімдіктері әлеуметтік сала бағыты бойынша жұмыс істейтін басқармалар 143,3 миллион теңгенің 147 жобасын жүзеге асырды.

Облыста әсіресе Жетіқара, Қарабалық, Қостанай, Ұзызынкөл аудандарында белсенді жұмыс істейтін үкіметтік емес ұйымдардың желісі қарқынды дамып келеді.