• Басты
  • Талдықорғанда Қазақстанның тұңғыш олимпиада чемпионы туралы фильмнің тұсауы кесілді

Талдықорғанда Қазақстанның тұңғыш олимпиада чемпионы туралы фильмнің тұсауы кесілді

18 Ақпан, 2015 20:49
Талдықорған қаласында танымал қазақстандық режиссер Тоқтар Қарсақбаевтың «Воля к победе» атты деректі фильмінің тұсауы кесілді. Бұл фильм қазақтан шыққан тұңғыш олимпиада чемпионы Жақсылық Үшкемпіровтің өмірінен сыр шертеді.

Облыс әкімдігі хабарлағандай, режиссер Тоқтар Қарсақбаев осы бағытта фильм түсіру мәселесі атақты спортшымен кездескенде пайда болғанын айтады. Аталмыш фильм өскелең жас ұрпаққа өмірдегі барлық кедергілерді жеңе білуге, белгілі бір жетістікке жету үшін аянбай еңбек ету қажеттігін түсіндіреді. Бұл жерде атақты спортшының күреске 20 жасында келіп, 29 жасында олимпиада чемпионы болғанын айта кеткен жөн.

Фильм палуанның жеке архивынан жинақталып алынған деректі құжаттардың негізінде әзірленді. Фильмде ҚР Мәдениет және спорт министрі Арыстанбек Мұхамедиұлы, халық әртісі Асанәлі Әшімов пен Роза Рымбаева және Қазақстан күрес Федерациясының президенті Сауат Мыңбаев өз пікірлерін білдіреді.

Естеріңізге сала кетейік, Жақсылық Үшкемпіров - Қазақстан Республикасының еңбек сіңірген спорт шебері,) қазақтан шыққан тұңғыш олимпиада чемпионы (Мәскеу қаласы, 1980 жыл).

 

Барлық жаңалықтар